Skip the primary navigation if you do not want to read it as the next section.
Primary Navigation
|
Hafan
|
|
Skip the main content if you do not want to read it as the next section.
Mae Gofal Arthritis o’r farn bod gan bawb hawl i gymorth â’u hanhwylder, beth bynnag fo’u hamgylchiadau ariannol. Byddwn ni’n sicrhau felly nad oes yn rhaid i unigolion dalu i fynychu ein cyrsiau.
Fodd bynnag, rydym yn dibynnu ar amrywiaeth o ffynonellau i’n helpu ni i dalu ein costau a sicrhau ein bod ni’n gallu fforddio cynnal ein safonau proffesiynol. Rydym yn ddiolchgar i’r cyrff sy’n ein helpu i ariannu ein cyrsiau. Mae’r cyrff hynny’n cynnwys:
- Byrddau Iechyd Lleol
- Asiantaethau gofal gwasanaethau cymdeithasol
- Canghennau Gofal Arthritis
- Ymddiriedolaethau/Sefydliadau sy’n cynnig grantiau
Rydym yn dibynnu ar awdurdodau lleol yn bennaf i ariannu ein cyrsiau a’n gweithdai er budd eu cymunedau lleol.
Cofrestru eich diddordeb
Er gwaethaf ein hymdrechion caled, ni ellir gwarantu y bydd arian yn cael ei roi i ni bob amser. Ar hyn o bryd dim ond yn Sir Gaerfyrddin, Ceredigion, Caerdydd, Wrecsam a Gwynedd y gallwn ni gynnal cyrsiau. Felly, os nad ydych chi wedi gallu dod o hyd i gwrs yn eich ardal, rydym yn gofyn yn garedig i chi fod yn amyneddgar. Bydd cofrestru eich diddordeb o gymorth i ni greu darlun o’r galw, a byddwn yn gallu defnyddio’r darlun hwnnw’n dystiolaeth wrth fynd at gyrff ariannu posibl.
Cysylltu â ni
Os oes gennych ddiddordeb mewn comisiynu Gofal Arthritis i gynnal cyrsiau, ac os oes arian ar gael gennych, cysylltwch â ni. Byddwn yn fwy na pharod i drafod eich anghenion â chi.
