Herio Poen

Os ydych chi’n byw gyda phoen cronig oherwydd arthritis neu unrhyw anhwylder arall, gallai’r cwrs hwn fod yn addas i chi. Cwrs byr ar gyfer oedolion yw Herio Poen. Bydd yn cyflwyno sgiliau a thechnegau hawdd i chi fel y gallwch chi reoli eich poen cronig ac adennill rheolaeth ar eich bywyd.

‘Cyflwynodd y cwrs gamau defnyddiol a oedd yn fy ngalluogi i reoli’r poen roeddwn i’n ei gael.’

Iawn, beth yw hyd y cwrs?

Mae’n golygu dwy sesiwn dwy awr a hanner o hyd dros bythefnos (mewn lleoliad hygyrch), a chaiff yr ail sesiwn ei chynnal wythnos ar ôl y sesiwn gyntaf. Mae’n ddigon o amser i chi ddysgu technegau a allai newid eich bywyd.

Beth fydd yn digwydd felly?

Bydd y ddau weithdy’n canolbwyntio ar drafod, a byddant yn cynnwys sesiynau ymarferol i arddangos technegau ymlacio. Bydd taflenni sydd wedi’u hysgrifennu’n glir yn cael eu dosbarthu i chi eu darllen yn eich amser eich hun. Bydd yr hyfforddwyr (sy’n byw gyda phoen cronig hefyd) yn sicrhau bod awyrgylch cefnogol yn y gweithdy, lle bydd pobl yn teimlo’u bod nhw’n gallu siarad yn agored.

Beth fydd y cwrs yn ymdrin ag e yn ystod y ddwy sesiwn?

• Ymdrin â therapïau rheoli poen – ymarferion ymlacio’r corff yn llwyr ac ymarferion dychmygu
• Ymdrin â thechnegau anadlu a chyfeirio sylw at rywbeth arall
• Ymdrin â dysgu gwneud pethau wrth eich pwysau a defnyddio technegau i helpu i atal blinder
• Ymdrin â rheoli straen a mynd i’r afael â meddyliau negyddol
• Ymdrin â phennu nodau hirdymor personol a gweithio tuag at eu cyflawni
• Ymdrin â sgiliau datrys problemau
• Ymdrin â phwysigrwydd cadw’n brysur a gwneud ymarfer corff yn ddiogel
• Ymdrin â chyfathrebu’n well
• Ymdrin â meddyginiaeth a therapïau eraill
• Ymdrin â rhannu gwybodaeth am adnoddau lleol.

Byddwn yn defnyddio cryno-ddisg at ddiben ymlacio yn ystod y gweithdy hwn. Gallwch wrando ar sampl o’r hyn sydd ar y cryno-ddisg yma.

A beth fydd y gost i mi?

Gallwch chi fynychu ein cyrsiau a’n gweithdai i gyd yn rhad ac am ddim. Rydym yn cael ein hariannu gan gyrff amrywiol sy’n talu am gostau cynnal y cwrs. Mae hynny’n warant arall o ansawdd mewn gwirionedd, oherwydd rhaid i ni werthuso pob cwrs a darparu adborth i’n cyrff ariannu i ddangos sut mae pob cwrs wedi mynd.

Os yw’n rhad ac am ddim, sut bydda i’n gwybod ei fod e’n dda?

Mae’r cwrs Herio Poen wedi cael ei dreialu’n glinigol, a phrofwyd ei fod yn lleihau pryder pobl am eu hiechyd ac yn gwella’u hyder wrth ddelio â’u problemau iechyd. Mae’r bobl sy’n cymryd rhan yn y cwrs yn dweud wrthym yn rheolaidd ei fod wedi gwneud gwahaniaeth enfawr i’w bywyd: darllenwch drosoch chi eich hun.

Mae’n swnio’n grêt - sut galla i gofrestru?

Edrychwch ar ein calendr cyrsiau, a defnyddiwch y wybodaeth sydd yno i lenwi ein ffurflen. Os nad oes cwrs ar gael yn eich ardal chi, anfonwch eich ffurflen atom beth bynnag. Bydd hynny’n golygu y gallwn ni gadw golwg ar y galw a rhoi’r wybodaeth ddiweddaraf i chi am unrhyw gyrsiau newydd a gyhoeddir.