Skip the primary navigation if you do not want to read it as the next section.
Primary Navigation
|
Hafan
|
|
Skip the main content if you do not want to read it as the next section.
Bydd hunanreoli’n rhoi’r sgiliau i chi reoli eich anhwylder. Mae hunanreoli’n hanfodol ar gyfer eich lles emosiynol a chorfforol. Dyma sylfaen holl weithdai a chyrsiau Gofal Arthritis.
Gall rheoli eich arthritis wneud llawer iawn i leihau’r baich sydd ynghlwm wrth yr anhwylder. Yn ogystal â bod o fudd i’ch iechyd corfforol a’ch iechyd meddwl, gall rheoli eich arthritis eich helpu ym mhob agwedd ar eich bywyd: eich helpu i feithrin perthynas â phobl eraill; lleihau straen yn y gweithle neu eich helpu i ddychwelyd i’r gwaith; lleihau unigrwydd cymdeithasol, a llawer mwy.
Dysgu am eich anhwylder yw cam cyntaf y broses o hunanreoli, hynny yw dysgu sut mae eich anhwylder yn effeithio arnoch chi. Gall hynny eich helpu i ragweld pryd y gallech chi brofi symptomau a’ch helpu i ystyried sut i ddelio â nhw. Trwy gyfrwng ein cyrsiau byddwn yn eich helpu i ddeall eich anhwylder, a byddwn yn dangos ystod o dechnegau y gallwch chi eu defnyddio i’ch helpu i ymdopi.
Yn yr adran hon o’n gwefan, gallwch chi ddarganfod pa gyrsiau y mae Gofal Arthritis yn eu cynnig yn yr ardal hon a sut gallwch chi elwa o bob un.
