Skip the primary navigation if you do not want to read it as the next section.
Primary Navigation
|
Hafan
|
|
Skip the main content if you do not want to read it as the next section.
Caiff cyrsiau hyfforddi Gofal Arthritis eu harwain gan bobl leyg, sy’n golygu mai pobl ag arthritis neu anhwylder hirdymor arall sy’n cynnal y cyrsiau.
Maent yn bobl sydd wedi cael budd personol o’r cyrsiau ac sydd wedi’u hysbrydoli i roi rhywbeth yn ôl. Fel gwirfoddolwyr, nid ydynt yn cael unrhyw dâl am eu hamser. Yn hytrach, byddant yn cael boddhad o rannu’r negeseuon a’r wybodaeth sydd wedi bod mor ddefnyddiol iddyn nhw.
Bydd ein hyfforddwyr yn cael hyfforddiant proffesiynol cynhwysfawr, a byddant yn cael eu hasesu’n barhaus. Bydd y manylion i gyd yn cael eu cofnodi yn eu Pasport Ymarfer. Caiff yr holl hyfforddwyr eu gwirio gan y Swyddfa Cofnodion Troseddol, a byddant yn cyflwyno cyrsiau mewn timau o ddau neu dri.
Byddant yn cael cymorth parhaus gan staff Gofal Arthritis, a byddant yn cael cyswllt un-i-un â’u goruchwyliwr yn aml. Mae ein gwirfoddolwyr yn elwa llawer iawn o fod yn rhan o gyfansoddiad Gofal Arthritis, ac rydym yn ddiolchgar iawn iddynt am eu hamser a’u harbenigedd.
Os oes gennych ddiddordeb mewn bod yn wirfoddolwr hyfforddi, trowch at ein hadran ar wirfoddoli a chysylltwch â’n swyddfa i gael mwy o wybodaeth.
