Skip the primary navigation if you do not want to read it as the next section.
Primary Navigation
|
Hafan
|
|
Skip the main content if you do not want to read it as the next section.
Mannau gwybodaeth i’r cyhoedd
Stondinau gwybodaeth yw’r mannau gwybodaeth hyn a gaiff eu staffio gan wirfoddolwyr ag arthritis sydd wedi cael hyfforddiant priodol. Prif nod y mannau gwybodaeth yw darparu gwybodaeth berthnasol a dibynadwy ar gyfer pobl ag arthritis, eu teuluoedd a’u gofalwyr.
Beth allaf i ei gael o fan gwybodaeth?
Mae’r wybodaeth a geir yno yn cynnwys deunydd darllen sy’n ymdrin â gwahanol fathau o arthritis a deunydd darllen sy’n ymdrin â sawl agwedd ar fyw gyda’r anhwylder, megis:
- llawdriniaeth
- ymarfer corff diogel
- deiet
- sicrhau annibyniaeth a chynnal yr annibyniaeth honno
budd-daliadau - materion emosiynol yn ymwneud â byw gydag arthritis
- triniaethau cyflenwol
- rheoli poen.
Ceir gwybodaeth yno hefyd am gyfleoedd yn yr ardal i bobl ag arthritis gael hyfforddiant ar hunanreoli, a cheir gwybodaeth am grwpiau lleol Gofal Arthritis a’r gwasanaethau sydd ar gael ar draws y DU.
Darparu cymorth
Mae’r mannau gwybodaeth hyn yn darparu gwybodaeth glir a chywir ar gyfer pobl ag arthritis, ac mae’r wybodaeth honno’n eu galluogi i wneud penderfyniadau cytbwys ynghylch y modd y maent yn rheoli eu harthritis a’u bywyd.
Mae ein gwirfoddolwyr yno i wrando ar eich pryderon a’ch cyfeirio at y wybodaeth a’r cymorth y mae eu hangen arnoch. Os hoffech ymweld â man gwybodaeth, cysylltwch â ni er mwyn cael gwybod pryd y bydd stondin ar gael yn:
