Rhwydwaith ymgyrchwyr

Ymunwch â’r rhwydwaith yn rhad ac am ddim

Mae Gofal Arthritis wrthi’n datblygu Rhwydwaith Ymgyrchwyr er mwyn adeiladu ar ei waith ymgyrchu pwysig i wella hawliau a gwasanaethau ar gyfer pobl ag arthritis ar draws Cymru.

Er bod gwelliannau y dylid eu croesawu wedi digwydd mewn rhai ardaloedd, mae gofal iechyd mewn perthynas ag arthritis yn parhau i fod yn anghyson ar draws Cymru – gwasanaeth eilradd sy’n parhau i fod ar gael mewn sawl rhan o Gymru ar gyfer pobl ag arthritis, gydag ychydig iawn o wasanaethau allweddol megis gwasanaethau rhewmatoleg yn cael eu darparu’n lleol.

Cynorthwyo pobl

Mae’r Rhwydwaith wedi’i sefydlu i gynorthwyo’r bobl hynny sydd am ymuno â’r sawl sy’n galw am hawliau a gwasanaethau o ansawdd uchel ar gyfer pobl ag arthritis.

Gall y rheiny sy’n aelodau o Gofal Arthritis a’r rheiny nad ydynt yn aelodau o Gofal Arthritis ymuno â’r Rhwydwaith, a hynny’n rhad ac am ddim. Cefnogwyr unigol y Rhwydwaith sy’n penderfynu faint o amser yr hoffent ei neilltuo ar gyfer gwaith ymgyrchu.

Mae cefnogwyr y Rhwydwaith yn cael:

• Pecyn Croeso rhad ac am ddim sy’n cynnwys cynghorion gwych ynghylch ymgyrchu a llawer o wybodaeth am y modd y caiff penderfyniadau eu gwneud yng Nghymr
• llythyr newyddion rhad ac am ddim o’r enw ‘Cymru’n Ymgyrchu’ a gyhoeddir deirgwaith y flwyddyn
• gwybodaeth a chynghorion a ddarperir gan y Tîm Polisi ac Ymgyrchoedd ar gyfer unrhyw rai o gefnogwyr y Rhwydwaith sy’n dymuno cychwyn eu hymgyrch eu hunain
• cyfle i gyfrannu eu barn i’r Rhwydwaith er mwyn helpu i lunio blaenoriaethau Gofal Arthritis mewn perthynas ag ymgyrchu.

Cymryd rhan

Bydd cyfleoedd ar gael i gymryd rhan yn ein gweithgareddau â’r cyfryngau a chyfleoedd i gysylltu â phobl eraill yn yr un ardal sy’n rhannu’r un diddordebau o safbwynt ymgyrchu.

Wrth i’r Rhwydwaith dyfu yng Nghymru, rydym yn gobeithio y byddwn yn gallu cynnig cyfle i gefnogwyr gymryd rhan mewn ymgyrchoedd, gweithdai a hyfforddiant.

I gael rhagor o wybodaeth am y Rhwydwaith, cysylltwch â ni ar 0845 2419675 neu anfonwch e-bost at WalesCampaigns@Arthritiscare.org.uk

I gael rhagor o wybodaeth am y Rhwydwaith Ymgyrchwyr ac i ymuno ewch ati i lawrlwytho Pecyn Ymgyrchoedd Cymru, llenwch y ffurflen ar y diwedd ac anfonwch  hi i Gofal Arthritis yng Nghymru, Ty Trydan, Stryd y Castell, Castell Newydd Emlyn, Sir Caerfyrddin, SA38 9AF.