Ymgynghori ynghylch diwygio’r Lwfans Byw i’r Anabl

Mae’r llywodraeth wedi cyhoeddi ei hymgynghoriad ynghylch newidiadau i’r Lwfans Byw i’r Anabl. Bwriedir cynnig budd-dal newydd o’r enw Taliad Annibyniaeth Bersonol yn lle’r Lwfans Byw i’r Anabl.

Bydd y Taliad Annibyniaeth Bersonol yn fudd-dal heb brawf modd, a roddir ar gyfer costau ychwanegol ac a fydd yn ceisio helpu pobl anabl i fyw bywyd llawn ac annibynnol.

Y cynigion hyn yw’r rhai diweddaraf mewn cyfres gynyddol o newidiadau pellgyrhaeddol y mae llywodraeth y DU yn eu cynnig i fudd-daliadau anabledd yn y DU. Mae’r Lwfans Byw i’r Anabl yn benodol yn hollbwysig i lawer o bobl ag arthritis, ac nid yw Gofal Arthritis yn dymuno gweld unrhyw newidiadau a allai gael effaith annheg neu anghymesur ar y bobl hynny neu’u bywoliaeth. Os bwriedir i’r asesiad newydd a gynigir fod yn wirioneddol gywir a theg, mae’n hanfodol i’r llywodraeth ddeall yr effaith go iawn a gaiff arthritis a’r modd y mae arthritis yn effeithio ar bobl, gan gynnwys natur anwadal y cyflwr.

Tybed a fyddai modd i chi neilltuo ychydig amser i lenwi’r holiadur er mwyn rhannu eich pryderon a helpu i lywio’r cynnig newydd hwn i ddiwygio’r Lwfans Byw i’r Anabl?